Federata e Futbollit të Kroacisë dhe përzgjedhësi Zlatko Daliq kanë vazhduar bashkëpunimin edhe për tre vjet të tjera.

56-vjeçari të shtunën e vazhdoi kontratën deri në vitin 2026.

“Ai i ka arritur të gjitha objektivat që i kemi vendosur”, ka thënë kryetari i Federatës së Futbollit të Kroacisë, Marijan Kustiq.

Daliqi e udhëhoqi Kroacinë drejt finales së Botërorit 2018, ndërsa në vitin 2022, shkoi deri në gjysmëfinale.

“Ai ka krijuar atmosferë fantastike dhe e ka bashkuar skuadrën”, ka thënë Kustiq.

Ndërkohë për Daliqin, kjo pozitë është nderi më i madh dhe kënaqësia më e madhe për një trajner.

Synimi i ardhshëm për Daliqin dhe Kroacinë është arritja në Evropianin e vitit 2024.