Roma ka pësuar humbje kundër Feyenoord, në ndeshjen e parë çerekfinale në kuadër të Eurpa Ligës.
Në duelin e luajtur të enjten në Holandë, Feyenoordi ka triumfuar me rezultatin minimal, 1:0.
Pjesa e parë e ndeshjes u mbyll pa gola, ndërsa në të dytën u shënua vetëm një gol nga vendasit, që mjaftoi për fitore.
Golin e vetëm në këtë takim e realizoi Matts Wieffer në minutën e 54-të.
Ndeshja e kthimit mes këtyre dy skuadrave, do të zhvillohet javën tjetër në Romë, ku edhe do të përcaktohet ekipi që do të avancojë në gjysmëfinale të kësaj gare.