Aktorja kosovare Kaltrinë Zeneli ka publikuar sot videon ku shihet një grua e moshuar teksa rrihet nga disa punonjëse të qendrës për përkujdesjen e të moshuarve, “Orenda” në Pejë.

Zeneli tha se videon ia ka dërguar një person që nuk ka dashur të bëhet publik, ndërsa tha se edhe vet është tmerruar nga pamjet.

“U shtanga për një moment… Fillova me shkru, nuk disha as çka me shkru”, tha Zeneli.

Kaltrina thotë se ndihet mirë që kjo “për pak orë u bë kaq e madhe dhe organet reaguan shpejt”.

“Hala jam tu u dridhë. Nuk po di as çka me thanë”, tha ndër tjerash aktorja në Frontal të T7.

Policia i ka arrestuar tre punonjëse të qendrës “Orenda” në Pejë.