Rasti i rëndë që ndodhi ditë më parë në Pejë ka marr vëmendje edhe nga mediat ndërkombëtare. Para disa ditësh u publikua një video, ku u pa një infermiere duke rrahur një grua të moshuar në shtëpinë e të moshuarëve “Orenda”.

Lidhur me rastin e tmerrshëm ka reaguar edhe mesfushori i njohur i gjigandit spanjoll, Real Madrid.

Dani Ceballos ka publikuar fotografinë e rastit famkeq në llogarinë e tij në “Instagram”.

Ai ka shpërndarë një fotografi të infermieres, e cila u publikua nga një llogari tjetër në këtë rrjet social.

“Fotografia më e mirë që mund ta shihni sot”, thuhet krahas fotografisë së publikuar nga llogaria “muycoloooooo”, aty ku infermierja shihet e prangosur pas dhunës që kishte ushtruar.

E duket se më këtë përshkrim po pajtohet edhe mesfushori i Real Madridit.