Futbollisti Gerhard Progni ia dhuroi fitoren dhe pozitën e parë skuadrës së tij, SC Gjilani me super-golin e shënuar në derbin kundër FC Ballkanit, që u zhvillua të dielën (dje). Gjilani fitoi derbin në udhëtim me rezultatin 0:1. Një gol, tre pikë që do të vlejnë shumë për pjesën e dytë të kampionatit, shkruan Insporti.com.

Progni në një prononcim për emisionin “Sporti Total” në KTV ka zbuluar sekretin e formës të tij në këto 17 xhirot e parë të BKT Superligës.

“Është e vërtetë. Para ndeshjes në hotel panë që kisha konsumuar dy ve të ziera dhe më thanë “paska mbaru, do të fitojmë”, transmeton Insporti.com.

Kapiteni i Gjilanit po ashtu deklaroi se skuadra e trajnerit Ismet Munishi është e ndërtuar për titull të kampionit dhe se këtë po e dëshmon ndeshje pas ndeshjes.

SC Gjilani mbylli stinorin vjeshtor në pozitën e parë në tabelë me 35 pikë të grumbulluara pas 17 xhirove të zhvilluara. /Insporti.com/