Një aksident ka ndodhur sot në fshatin Gllamnik të Podujevës, si pasojë ka mbetur i lënduar një biçiklist.
Rastin për Gazetën Insajderi e ka konfirmuar, Flora Ahmeti, zëdhënëse në Policinë e Kosovës për rajonin e Prishtinës.
“Sot rreth orës 17:00 kemi pranuar informatën se në fshatin Gllamnik të Podujevës, ka ndodhur një aksident trafiku me lëndime. Në këtë aksident, kanë qenë të përfshirë një biçiklist dhe një automjet në lëvizje . Si pasojë e aksidentit, lëndime trupore ka pësuar biçiklisti, i cili është dërguar për tretman mjekësor. Aktualisht policia ka nisë një hetim për zbardhjen e rastit”, tha ajo për Insajderin.