Fushata elektorale po vazhdon në Shqipëri. Sikur të mos mjaftonte vrulli që ajo merr atje nga rivaliteti i PD-së me PS-në, dhe LSI-së që merr hise, në të tash është rrasur direkt edhe Albin Kurti, Kryeministër i Kosovës. Ai, si shtetas i Shqipërisë ka thënë që edhe do të marrë pjesë edhe në votim. Kryeministri kosovar po merret me fushatën në Shqipëri derisa në Republikën që ai e drejton tash janë mbi 100 mijë qytetarë që janë prekur nga Coronavirusi i ri. Mbi dy mijë prej tyre kanë vdekur. E deri tash vendi ka pranuar veç pak më shumë se 20 mijë vaksina. Ekonomia vlerësohet që është duke shkuar drejt kolapsit. InDoks në këtë episod, përmes personazhesh në Kosovë e Shqipëri, tenton që ti japë përgjigje pyetjes që është bërë madje edhe nga vetë simpatizantë të Kurtit: Çka po lyp Albin Kurti në Shqipëri?