×
  • Lajme
  • Insajderi

    Institucionet e nivelit qendror mbesin pa bukë, byrek e kifle

    Insajderi
    29 August 2022 - 10:52

    Një tender për bukë dhe produkte të tjera të brumit siç janë byrek, kifle etj, për nevojat e institucioneve qendrore është anuluar. Arsyeja sipas njoftimit zyrtar të Agjencisë Qendrore të Prokurimit, lidhet me mungesën e të interesuarve për të ofertuar.

    Agjencia Qendrore e Prokurimit Publik, ka njoftuar se ka anuluar aktivitetin tenderuese lidhur me tenderin për “Furnizim me bukë e brumëra tjerë”, për institucionet e nivelit qendror.

    Ky aktivitet prokurimi sipas njoftimit të AQP-së është bërë pasi që nuk është pranuar asnjë ofertues, shkruan Gazeta Insajderi.

    Nuk janë dhënë detaje rreth çmimit dhe se për në përshkrimin e specifikave thuhet se tenderi vlente për disa insitucione.

    “Vendi i dërgesës është Vendet e përcaktuara nga Institucionet e paraqitura në Aneksin 7. Gjatë realizimit të kontratës me kërkesën e ndonjë institucioni te nivelit Qendror AQP ruan të drejtën të shtoj atë institucion”.

    Në këtë tenderi është aplikuar procedura e hapur, me çmimin më të ulët, mirëpo nuk është lajmëruar asnjë ofertues, sipas njoftimit nga AQP.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark