Klubi italian, Interi ka konfirmuar se ka pranuar tri rezultate pozitive nga testet e bëra për lojtarët dhe stafin së fundmi.

Vala e re e infektimeve me COVID-19 ka filluar t’i përfshij edhe klubet e mëdha italiane.

Njëri nga ta është edhe Interi, i cili sot (e premte) ka konfirmuar tri raste të infektuar në skuadër.

“FC Internazionale Milano njofton se Alex Cordaz, Edin Dzeko dhe Martin Satriano rezultuan pozitivë me Covid-19 pas testeve të kryera dje në Appiano Gentile”.

“Tre Nerazzurrët tashmë janë në izolim në shtëpitë e tyre dhe do të ndjekin të gjitha procedurat e përcaktuara në protokollin shëndetësor”, thuhet në njoftimin e Interit.

Ndryshe, Interi i kthehet sezonit me 6 janar në ndeshjen e javës së 20-të ndaj Bolognas.