FIFA ka pezulluar ish-sekretarin e organizatës Jerome Valcke nga të gjitha aktivitetet e futbollit për 12 vjet. Vendimi u mor nga Komiteti i Pavarur i Etikës së FIFA-s, nën akuza për sjellje të pahijshme në lidhje me shitjen e biletave të Kupës së Botës.

Gjatë hetimeve që vazhduan, ai u akuzua edhe për akte të tjera të sjelljes së keqe, duke përfshirë edhe politikat dhe rregulloret e udhëtimeve.  55-vjeçari Valcke gjithashtu është gjobitur me 100.000 franga zvicerane.

Në shtator të vitit të kaluar Valcke ishte pezulluar përkohësisht dhe ishte liruar nga detyrat e tij deri në një njoftim të mëtejshëm, pasi FIFA “ishte në vetëdije për një seri akuzash” që përfshinin atë.

Shkarkimi i tij u konfirmua në janar dhe FIFA ka bërë të ditur se Valckes i ndalohet përfshirja në futboll për nëntë vjet.