Pikat kufitare me Serbinë, Dheu i Bardhë, Merdar, Muçibabë sot janë më të ngarkuarat nga fluksi i madh i bashkatdhetarëve të cilët po i përdorin për hyrje dhe dalje nga territori i Kosovës.

Në faqen zyrtare të Qendrës Kombëtare për Menaxhim Kufitar të Ministrisë së Punëve të brendshme (MPB) bëhet e ditur se në pikën kufitare te Dheu i Bardhë për të dalë nga Kosova pritjet janë deri në 30 minuta dhe kolona është deri në 200 metra.

Ndërsa, në pikën kufitare Merdar për të hyrë në Kosovë pritjet janë deri në 15 minuta e për të dalë deri në një orë.

Po ashtu edhe pika kufitare Muçibabë paraqitet e ngarkuar në dalje të saj, pasi pritjet janë deri në një orë.