Klubi i tenisit, Diellix ishte cak i hajnave ditën e djeshme. Siç njofton klubi, hajnat shkaktuan dëme të konsiderueshme.

Përmes një postimi në rrjetin social, Facebook, klubi i tenisit, Diellix, ka bërë të ditur se hajnat kanë arritur të futen në terrenet e Taukbashqes dhe të vjedhin 15 reketa dhe topa të tenisit.

Klubi njofton se poashtu u dëmtua njëra shtyllë e rrjetës së tenisit, duke pamundësuar zhvillimin e lojës në atë fushë.

Tutje, bëhet e ditur se rasti tashmë është njoftuar në polici, derisa janë marrë masat që të mos ndikojë në procesin e ushtrimeve.

Njoftimi i plotë:

Dje, klubi i tenisit Diellix ka qenë cak i hajnave të cilët kanë arritur të futen në terrenet e tenisit në Taukbashqe dhe të shkaktojnë dëmë të konsideruar për klubin, aktivitetet dhe anëtarët e saj. Hajnat kanë arritur që brenda fushës te pjesa e deposë së rekuizitave të tenisit të vjedhin 15 reketa dhe topa të tenisit të gjitha këto që ishin në dispozicion të shkollës së tenisit për kategoritë e reja. Gjithashtu, është dëmtuar njëra shtyllë e rrjetës së tenisit, duke pamundësuar zhvillimin e lojës në atë fushë.

Rasti është lajmëruar në polici, ndërsa janë ndërmarr menjëherë masa që ky rast të mos ndikojë në procesin e ushtrimeve.

Dëmi i shkaktuar nuk do të ndalojë punën tonë dhe ushtrimet e fëmijëve të gjitha grupmoshave në këto terrene të tenisit.