Kryeministri Edi Rama ka folur në Këshillin e Evropës për Kosovën dhe për mbajtjen në Hagë të ish-krerëve të shtetit dhe të Ushtrisë Çlirimtare të Kosovës.
Kryetari i partisë opozitare, PDK-së ka falenderuar kryeministrin e Shqipërisë, Edi Ramën.
Krasniqi tha së është fat për Kosovën qëndrimi dinjitoz i Ramës.
“Është fat i madh për Kosovën që në këtë periudhë sfiduese, Shqipëria ka një kryeministër si Edi Rama – i cili nuk e humb asnjë mundësi që i jepet për të mbrojtur Kosovën, luftën tonë çlirimtare dhe të drejtën tonë të patjetërsueshme për liri dhe pavarësi”, shkroi Krasniqi.
Edhe anëtarët e tjerë të PDK-së si Ariana Shoshi dhe nënkryetarja e PDK-së Vlora Çitaku kanë falenderuar Ramën.
“Mirënjohëse që mbron të vërtetën për luftën tonë çlirimarë”, shkroi Shoshi-Musliu.
Ndërsa, Kryeministri i Kosovës, Albin Kurti tha se nuk e ka dëgjuar fjalimin e homologut të tij shqiptar, Edi Rama, në Këshillin e Evropës.
“Nuk di a kam kontribuar në fjalimin e Edi Ramnës, sepse nuk e kam dëgjuar. Kam qenë në Pejë sot dhe tërë ditën nëpër takime të ndryshme e në mbrëmje vonë përpiqem që të updatohem”, tha ai në konferencën e përbashkët për media me shefin e Zyrës së BE-së në Kosovë.