Nusret Cena 48 vjeçar, ish-veterani i UÇK-së, është vrarë mbrëmë me breshëri plumbash, derisa ishte në veturën e tij. Persona e dyshuar ende nuk janë arrestuar. Prokuroria ka konfirmuar se ka filluar hetimet intenzive.

Cena është gjetur i vrarë në magjistrale Ferizaj–Kaçanik, konkretisht në Kaçanik të Vjetër.

Gazeta Insajderi ju sjell pamje nga vendi ku ndodhi rasti.

Ndërkohë, Kryeprokurori i Ferizajt, Shukri Jashari, ka thënë se janë duke vazhduar hetimet për vrasjen e Nusret Cena, ish-ushtarit të Ushtrisë Çlirimtare të Kosovës.

“Hetimet janë duke vazhduar në mënyrë intensive”, ka thënë ai për Gazetën Insajderi, pa dhënë detaje të tjera për rastin.

Dyshohet se persona të panjohur nga afërsia kanë shti breshëri plumbash mbi automjetin dhe shoferin e më pas janë larguar nga vendi i ngjarjes në drejtim të panjohur, njofton Policia.

/GazetaInsajderi