Trajneri i Ballkanit, Ilir Daja, ka thënë se ndeshja me Prishtinën ishte e barabartë, ndërsa është ankuar që tre tifozë vendas e kanë sharë vazhdimisht prapa bankinës ku qëndron ai. 

Daja ka mbetur i befasuar edhe me sjelljen e një polici, prej të cilit ka kërkuar që t’i largojë tifozët që bënin sharje.

“Janë tre veta që shajnë vazhdimisht. Të prishin këtë lloj imazhi të Prishtinës, me praninë e policisë, vëzhguesit, është e papranueshme. Më pas ishte një polic që bëri një gjest që nuk i shkon policit. Këta tre në mënyrë të vazhdueshme pas bankinës time kanë qëndruar”.

Por, pas bisedës mes analistëve në “Duelin Sportiv”, nga vet klubi i Ballkanit është zbuluar se trajneri Ilir Daja, poashtu është sulmuar brenda stadiumit “Fadil Vokrri” pas përfundimit të pjesës së parë, ku edhe brenda ditëve në vijim pritet të dalin të gjitha detajet.