17:53 - 05 Gusht 2022

Festivali ‘Sunny Hilll’ ka mbledhur artistë të shumtë vendor dhe ndërkombëtarë.

Sonte është nata e dytë e këtij festivali dhe në mesin e shumë këngëtarëve do përformojë edhe artisti italian Mahmood.

Ai në një konferencë për media së bashku me ambasadorin italian në Kosovë, Antonello De Riu foli rreth pranisë së tij në Kosovë, ku tha se përmes kësaj pjesëmarrje paraqet muzikën e tij.

“Jam i lumtur që do të përformoj këtu, kështu që përmes kësaj pjesëmarrje paraqes muzikën time”, tha ai.

Artisti shpresoi që përformanca e tij të shkojë mirë dhe tregoi se ka dëgjuar për Kosovën edhe përpara festivalit.

Mahmood e mbylli konferencën me fjalët në gjuhën shqipe “Faleminderit Prishtinë, ju dua”.