21:35 - 19 Janar 2022

Të martën e 17 janarit Përparim Rama dha urdhër për ndalimin e punimeve të një mbindërtimi në lagjen e Bregut të Diellit në Prishtinë.

Këto punime u ndalën pasi konsiderohen si të paligjshme nga Rama, shkruan Insajderi.

Përmes një njoftimi publik, Rama kishte paralajmëruar edhe dënim të pa falshëm.

“Sot, pas raportimit nga disa banorë të shqetësuar, për një mbindërtim në lagjen Bregu i Diellit, menjëherë kemi ndërmarrë masat e nevojshme për të ndalur ndërtimin. Inspekcioni ka ndalur punimet e paligjshme, dhe ju siguroj se dënimet për këto raste do të jenë të pa falshme.  Ndërtimet e tilla nuk do të lejohen në asnjë rrethanë”, thuhet në njoftimin e Ramës.

Por, mbindërtimi pa leje që u ndalua nga Rama është në pronësi të kandidates për deputete të Vetëvendosjes, Albana Morina Xharra, e cila tashmë mban pozitën e këshilltares politike në ministrin e Arbërie Nagvacit.

Këtë e ka konfirmuar për Gazetën Insajderi vet deputetja Morina Xharra e cila ka mohuar të ketë vazhduar punimet duke thënë se ky mbindërtim ishte ndërprerë me vendimin që e kishte lëshuar ish-kryetari i Prishtinës Shpend Ahmeti.

Morina Xharra nuk e përjashtoj mundësin se edhe në qeverisjen e kaluar ndalimi i punimeve të saj ishte bërë me vendim politik, sepse sipas saj ka pasur ndërtime të panumërta të jashtëligjshme në qeverisjen e Ahmetit

“Kur më janë ndërpre punimet, në pushtet ka qenë qeverisja e kaluar komunale. Atë kohë, siç edhe jeni dëshmitar ka pas ndërtime të panumërta të jashtëligjshme dhe shkelje flagrante të natyrave prej më të ndryshmeve të cilat janë lejuar. Unë personalisht kam raportuar shkelje lidhur me dëmtimin serioz të konstrukcionit mbajtës (prerje e pllakës së armuar meskatshe dhe themeleve të ndërtesës shumëbanesore) me çrast janë rrezikuar mbi 100 jetë njerëzish, por Inspektorati nuk ka reaguar. Jam detyruar rastin me e hap në polici dhe si përfundim, përkundër shkeljeve flagrante dhe rrezikimit të banorëve,  Komuna e ka lejuar vazhdimin e punimeve. Andaj për atë periudhë kohore nuk e përjashtoj mundësinë se ka pas vendim politik”, ka thënë Morina Xharra për Insajderin.

Tutje, Morina Xharra ka treguar se ditën kur Rama kishte dhënë urdhër për ndalim të mbindërtimi nuk ka pasur punime fare në objektin e saj.

“Ditën e hënë (17/01/2022), nuk ka pas ndërtim andaj informata se ka pas ndalje të ndërtimit pa leje, nuk qëndron. Këtë mundeni më s’miri me e konfirmu duke kërkuar nga Inspektorati fotografitë e punishtes të datës 26/02/2021 dhe ato të datës 18/01/2022 të realizuara nga inspektorët. Aty shifet kjartë se nuk ka as më të voglin ndryshim”, ka thënë më tej Morina Xharra.

Që nga vendimi për ndalimin e punimeve të lëshuar me 26 shkurtit të vitit të kaluar nga ish- kryetari i Prishtinës Shpend Ahmeti, kandidatja për deputete e VV-së thotë se kishte respektuar të gjitha procedurat.

“Prej kohës kur është dhënë urdhëri për ndalim të punimeve dhe ushtrimit të kërkesës për plotësim/ndryshim të lejes (26/02/2021), unë kam respektuar të gjitha procedurat dhe rekomandimet”, tha me tej deputetja për Insajderin.

E sa i përket dënimit të pafalshëm që kishte paralajmëruar Rama, Morina Xharra i tha Insajderit se nuk ka marrë asnjë dënim pasi nuk kishte bërë asnjë shkelje.

“Siç e ceka më lartë, unë nuk kam qenë duke ndërtuar dhe rrjedhimisht nuk ka pas as ndales të ndërtimit dhe as shkelje nga ana e ime. Si rrjedhoj, nuk ka as dënim”, tha Morina Xharra per Insajderin./GazetaInsajderi/

Përgjigja e plotë e Albana Morina Xharra dhënë Gazeta Insajderit:

Sa i përket kësaj çështje, po të përgjigjem ne pytjet si në vijim:

  1. Prej kohës kur është dhënë urdhëri për ndalim të punimeve dhe ushtrimit të kërkesës për plotësim/ndryshim të lejes (26/02/2021), unë kam respektuar të gjitha procedurat dhe rekomandimet.
  2. Ditën e hënë (17/01/2022), nuk ka pas ndërtim andaj informata se ka pas ndalje të ndërtimit pa leje, nuk qëndron. Këtë mundeni më s’miri me e konfirmu duke kërkuar nga Inspektorati fotografitë e punishtes të datës 26/02/2021 dhe ato të datës 18/01/2022 të realizuara nga inspektorët. Aty shifet kjartë se nuk ka as më të voglin ndryshim.
  3. Kur më janë ndërpre punimet, në pushtet ka qenë qeverisja e kaluar komunale. Atë kohë, siç edhe jeni dëshmitar ka pas ndërtime të panumërta të jashtëligjshme dhe shkelje flagrante të natyrave prej më të ndryshmeve të cilat janë lejuar. Unë personalisht kam raportuar shkelje lidhur me dëmtimin serioz të konstrukcionit mbajtës (prerje e pllakës së armuar meskatshe dhe themeleve të ndërtesës shumëbanesore) me çrast janë rrezikuar mbi 100 jetë njerëzish, por Inspektorati nuk ka reaguar. Jam detyruar rastin me e hap në polici dhe si përfundim, përkundër shkeljeve flagrante dhe rrezikimit të banorëve, Komuna e ka lejuar vazhdimin e punimeve. Andaj për atë periudhë kohore nuk e përjashtoj mundësinë se ka pas vendim politik.
  4. Ndërkaq tash besoj se ka prapavijën ProCredit. Me qenë se kohët e fundit lënda e ime e njohur si “Rasti ProCredit” ka avancuar në nivel penal, për shkak të shumë parregullsive gjatë këtyre nëntë (9) viteve. Gjatë procedurës, ka pas shkelje të pretenduara të natyrës:
    a) sjellje e dokumenteve me përmbajtje të rreme
    b) kontaktim i dëshimtares
    c) mos dërgim i ftesës dëshmitarit duka ja humbur të njejtit të drejtën që të jep dëshminë e vlefshme për sjelljën e dëshmisë;
    d) shkelje të afateve ligjore dhe trajtim i ankesave të dorëzuara jashta afatit;
    e) mos bashkëpunim me Gjykatën nga ana e dëshmitares,
    f) deklarim të rremë dhe tentim për të vënë në lajthitje Gjygjtarin,
    g) shkelj të Ligjit për Banka dhe Rregulloret përkatëse në BQK,
    h) mos dorëzim të shkresave të lëndës përkundër dorëzimit të kërkesës me shkrim dy herë,
    i) zvarritje e rastit, etj.
    Andaj si pasojë momentalisht rasti është duke u hetuara nga Prokuroria për krime të rënda.

Marr parasysh zhvillimet e fundit, tejzgjatjen e rastit, parregullsive gjatë nëntë (9) viteve, unë besoj se mbrapa qëndron ProCredit Bank.

  1. Vlenë të theksohet se për intervenimin e ndërmarr kam mbështetjen e banorëve dhe veprimet janë në pajtueshmëri me fqinjët të cilët kanë deponuar pëlqimet e tyre tek noteri.
  2. Siç e ceka më lartë, unë nuk kam qenë duke ndërtuar dhe rrjedhimisht nuk ka pas as ndales të ndërtimit dhe as shkelje nga ana e ime. Si rrjedhoj, nuk ka as dënim.

Po e shfrytëzoj këtë rast që me ju ftu me monitoru rastin në Gjykatë dhe të njejtin me e raportu. Po flasim për një kontest pune i cili po zgjatë nëntë (9) vite, i cili në proces ka parregullsi të panumërta andaj konsideroj se është në interes të publikut që të informohet me nivelin e gjygjësisë në vend. Rasti si i imi, janë shembulli më i mirë i cili mundet me na vërtetu se Ministria Haxhiu ka plotësisht të drejtë lidhur me nevojën e reformave në drejtësi dhe rrjedhimisht vetingun e Gjygjëtarëve dhe Prokurorëve.

Shkrimin keni leje me e publiku vetëm si tërësi, pra nuk keni të drejtë të e shkurtoni ose ndryshoni.

Falemnderit paraprakisht,
Albana Xharra