Nëntë ditë para finales së Champions League në Stamboll mes Manchester Cityt dhe Interit, gjyqtari i sfidës mund të ndryshojë.

Polaku Szymon Marciniak është në pikëpyetje sipas Sports Mediaset, pasi ka marrë pjesë në një ngjarje të organizuar nga lideri i ekstremit të djathtë polak Mentzen, i njohur për pozicionet e tij homofobike dhe antisemite.

Vendimi i paprecedentë pritet të merret nesër, por ndërkohë UEFA ka njoftuar se i ka kërkuar arbitrit sqarime urgjente dhe se e ka marrë shumë seriozisht këtë çështje.

Në reagimin e UEFA-s theksohet se i gjithë komuniteti i futbollit është totalisht kundër ideve të mbrojtura nga grupi në fjalë.

Një furtunë reagimesh pati edhe për anglezin Anthony Taylor , i cili pasi drejtoi finalen e Europa League, ku Roma humbi me penallti përballë Sevilla-s, u përball në aeroportin e Budapestit me dhjetëra tifozë agresivë të Romës, që sulmuan fizikisht bashkëshorten e tij.