Sot në Ministrinë e Kulturës, Rinisë dhe Sportit, ministri Hajrulla Çeku ndau dy çmimet vjetore në kinematografi për vitin 2023.
Çmimi Kombëtar për vepër jetësore “Bekim Fehmiu” i takoi Menduh Nushit, teksa Çmimi vjetor për kinematografi u nda në dysh në mes të regjisores Kaltrina Krasniqi dhe montazherit Enis Saraçi.
Pjesë e jurisë profesionale në këtë edicion ishin Blerta Basholli, Ujkan Hysaj, Valmira Hyseni, Rozafa Çelaj dhe Gazmend Bajri.
Këto çmime u ndahen personaliteteve të shquara të fushës së kinematografisë për suksesin dhe të arriturat gjatë karrierës.