Futbollisti japonez Shoya Nakajima u bë hit në internet pasi mori një karton të kuq pas vetëm 20 sekondash në ndeshjen e tij të parë, debutuese, për Antalyasporin në Superligën e Turqisë.

Ndoshta nuk do të ishte aq interesante nëse nëna e tij dhe anëtarët e familjes që udhëtuan mbi 9,000 kilometra për ta parë atë nga afër, nuk do të ishin në tribuna.

Nakajima hyri në fushë në minutën e 59-të, por vetëm 20 sekonda më vonë shkaktoi një faull, për të cilin fillimisht mori karton të verdhë. Megjithatë, pas shqyrtimit të VAR-it, arbitri ndryshoi vendimin dhe e dërgoi atë në dhomën e zhveshjes.

Në atë moment kamerat shfaqën familjen e tij në tribunë. Nëna e tij u shfaq e tronditur dhe filloi të qante. Videoja shumë shpejt u bë hit në rrjetet sociale dhe regjistroi miliona shikime.