Hulumtimet kanë treguar se shkalla pesëvjeçare e mbijetesës së kancerit të vezoreve në fazën e hershme të sëmundjes është më e lartë se 90 për qind, prandaj është jashtëzakonisht e rëndësishme të reagohet në kohë.

Sipas ekspertëve, problemi është se gratë shpesh nuk i marrin seriozisht simptomat e tyre.

Disa prej tyre janë fryrje, ndryshime në funksionin e zorrëve, urinim jo normal dhe një ndjenjë shqetësimi në legen.Shumica e grave në çdo rast i ndiejnë këto ndryshime gjatë ciklit menstrual, kështu që nuk është e lehtë të vërehet ndonjë ndryshim i rëndësishëm në simptoma.

Megjithatë, nëse ato zgjasin më shumë se dy javë ose përkeqësohen, duhet të konsultoheni me një mjek.

Meqenëse nuk ka një simptomë të vetme karakteristike, është e nevojshme të dyshohet për të vendosur një diagnozë. Më të prekura janë gratë që kanë një predispozitë gjenetike ndaj kancerit të vezoreve dhe kjo përfshin raste të grave me mutacione gjenetike në disa gjene që dihet se shoqërohen me këtë kancer, siç janë gjenet BRCA1 dhe BRCA2.

Ndërsa për disa kancere të tjera ka procedura diagnostikuese si pap testi dhe ekzaminimi i mamografisë, ky nuk është rasti me kancerin e vezoreve, kështu që çdo ndryshim që mund të jetë një tregues i hershëm i sëmundjes duhet të monitorohet me kujdes.

Është e rëndësishme të shkoni rregullisht për një vizitë transvaginale.