Presidentja, Vjosa Osmani ka pritur në takim kryetarin e Komitetit të Përhershëm të Dhomës së Përfaqësuesëve të SHBA-vë për Shërbim të Intelegjencës, Mike Turner.
Osmani raportet me SHBA-të i ka cilësuar strategjike dhe ekzistenciale, ku edhe ka falenderuar Turner.
“Përkushtimi i palëkundur i Shteteve të Bashkuara për kauzën e Kosovës ka qenë i domosdoshëm në rrugëtimin tonë drejt pavarësisë dhe shtetësisë”, ka theksuar ajo.
Poashtu Osmani ka bërë të ditur se synimi i Kosovës është anëtarësimi në organizatat ndërkombëtare si: NATO, BE, Këshilli i Evropës dhe të tjera.
Ndërkaq në raport me situatën në veri të vendit, presidentja ka theksuar se Kosova ka bërë hapa përmbajtjesor në shtensionimin e situatës dhe se vazhdon të jetë palë konstruktive në këtë proces.
Por, ka theksuar obstruksionet e Serbisë, si dhe veprimet destabilizuese në veriun e Kosovës nëpërmjet bandave kriminale të dirigjuara nga Beogradi.
Ajo ripotencoi rëndësinë e zbatimit të plotë të të gjitha detyrimeve që dalin nga Marrëveshja e Brukselit dhe aneksi i Ohrit.