Një vrasje e rëndë ka ndodhur në qendër të Pejës. Një grua u vra me armë zjarri nga bashkëshorti i saj.

Insajderi ka mësuar se personi që e vrau gruanë e tij është Edmond Lajqi.

Lidhur me rastin detaje ka dhënë edhe policia.

Zëdhënësi i policisë për rajonin e Pejës, Driton Rugova tha për Insajderin se ngjarja ka ndodhur në rrugën “Bill Clinton”.

“Sot rreth orës 08:15, Policia është informuar se në rrugen Bill Clinton në Pejë, ka ndodhur një rast, Policia menjëherë kanë dal në vendin e ngjarjës gjithashtu edhe ekipi mjekësor të cilet kanë konstatuar vdekjen e viktimës (femër), i dyshuari këtij rasti është arrestuar dhe ndodhet ne objektet e Stacionit Policor në Pejë”, tha Rugova për Insajderin.