Policia e Kosovës sot rreth orës 11:00 ka pranuar informatë për djegien e një fabrike në fshatin Kërpimeh të Podujevës.
Zëdhënsja e policisë për rajonin e Prishtinës, Flora Ahmeti tha për Insajderin se në vendngjarje janë zjarrfikësit dhe policia të cilët po merren me rastin.
Aty ishin të punësuara mbi 170 gra dhe merreshin me kultivimin e mjedrave.
Ende nuk dihet nëse ka ndonjë të lënduar nga ky incident.