Përmes rrjeteve sociale ka reaguar Shoqata e të Burgosurve Politik në Viti, e cila ka dënuar njollosjen dhe fyerjet morale ndaj Bislim Bislimajt.Reagimi i plotë:

Shoqata e të Burgosurve Politik, Dega në Viti, dje më 05.11.2021, me pezëm dhe indinjatë të madhe mësoi për lajmin se gjoja  Bislim Bislimaj ka dhunuar një vajzë 12-të vjeçare në Viti. Lajmi që kinse ka ndodhur si e vërtetë që në fillim ishte i pabesueshëm, dhe kishte edhe dyshime.

Ne që e njohim Bislimin, si ushtarë të lirisë, luftëtar i plagosur në luftë, i burgosur dhe të dënuar 10-vjet burg nga regjimi serb, mbijetues dhe i plagosur përsëri në masakrën e Dubraves, për kohen që kemi kaluar së bashku e njohim si njeri me moral dhe integritet të lartë, trim dhe sakrifikues të skajshëm për çështje të lirisë dhe Atdheut.

hBPK-së Bislimin e ka dhe sekretar të Degës në Viti, andaj njollosjen, fyerjen morale, fyerjen e  uljen e integritetit të luftëtarit dhe të burgosurit të luftës me njolla kaq të ulta dhe skajshmërisht denigruese për fitim të votave para qytetarëve, e dënojmë  si veprim shumë të ulët dhe lusim organet e pushtetit për të cilat Bislimi ka flijuar jetën dhe familjen, që të ndërmarrin veprime ligjore ndaj individëve të përfshirë në këtë komplot të ulët dhe  mashtrim të opinionit  dhe mos të lejojnë që njerëzit me kaq nivel të ulët të njollosin njerëzit që çdo gjë dhanë nga vetja për lirin e të gjithëve.

Kryesia e SHBPK-së Dega në Viti