2 dhjetori i vitit 2023 ishte I kobshëm për familjen Bejtullahu. Sihana kishte humbur tragjikisht babin e saj, Ferhatin.

Ai ishte duke u kthyer nga puna për në shtëpi. Pak metra larg vendit të tij të punës ai u shtyp nga një veturë. Plagëve arriti t’i mbijetoj vetëm për pak orë.

 Njeriu që e mbyti profesorin Bejtullahu rastisi të jetë djali i një biznesmeni të fuqishëm. I një multimilioneri. Ai është Vullnet Gashi. I biri i biznesmenit Burim Gashi.

Ky I fundit është i njohur për lidhjet e tij të fuqishme me politikën e me grupe të fuqishme të interesit. Ka përfituar një varg benefitesh nga fondet publike. Është pronar i firmës “Agro Llapi”.

Gazeta Insajderi ka mësuar se i akuzuari asnjë ditë të vetme nuk ka qenë në paraburgim. Fillimisht lënda e tij ishte në duar e zv/kryeprokurores Erza Bajrami, më pas kishte kaluar në duart e prokurorit Kushtrim Zeka.

Rreth në vit më pas është mbajtur seanca e parë gjyqësore, në të cilën Gashi ka deklaruar se nuk ndihet fajtorë.

Ndërkaq në aktakuzën e prokurorisë thuhet se derisa I njëjti  ishte duke drejtuar veturën pa patentë shofer, në shiritin e djathtë të dedikuar vetëm për lëvizjen e autobusëve dhe taxive, nga pakujdesia ka vepruar në kundërshtim me Ligjin për Rregullat e Trafikut Rrugor, ashtu që duke mos përshtatur shpejtësinë e lëvizjes, kushteve të rrugës, gjendjes dhe llojit rrugës në mënyrë që të ndalë mjetin para çdo pengese që mund të paraqitet, ka rrezikuar trafikun publik dhe ka vënë në rrezik jetën e njerëzve.

E në lidhje me të ndjerin në dosje thuhet se ai, ishte duke kaluar rrugën, në kundërshtim me Ligjin për Rregullat e Trafikut Rrugor, jashtë vendkalimit të këmbësorëve, nga ana e majtë në të djathtë (drejtimi i lëvizjes së automjetit), në ato momente në shiritin e mesëm të trafikut ishte duke lëvizur një kamion dhe me të arritur pranë “Euro Roleta”, i pandehuri me pjesën e parë ballore e godet tani të ndjerin, i cili si pasojë e lëndimeve të marra, kishte ndërruar jetë.

Në vijim mund të ndiqni storien e realizuar nga gazetarja Dijellza Preniqi.