Zëvendësministri i Drejtësisë, Blerim Sallahu, ka konfirmuar raportimin e Insajderit se Policia e Kosovës dhe Prokuroria Speciale posedon video-incizimet e marra nga Laboratori i Instituti i Mjekësisë Ligjore që lidhem me skandalin e zhdukjes së mostrave nga frigoriferi i Laboratorit të Toksilogjisë.
“Policia ka shku ne vendin e ngjarjes ka mbledhë të gjitha provat duke përfshire edhe video incizimet nga kamerat. Secili hetim që bëhet brenda një institucioni ata i marrin incizimet. Kamerat janë marrë shumë herët. Prokuroria i posedon ato”, ka thënë Salihu.
Pak me parë Insajderi raportoi nga burimet brenda IML’së se Prokuroria ka në dorë video-incizimet që ndërlidhen me zhdukjen e mostrave të Astrit Deharit. Një gjë të tillë nuk e ka konfirmuar ministrja Haxhiu e cila ka thënë se pamjet fshihen brenda një muaji.