Njëra nga pikat e planit evropian të cilin e pranoi Kryeministri i Kosovës, Albin Kurti, përfshinë edhe formalizimin e statusit të Kishës Ortodokse Serbe brenda sistemit juridik të Kosovës, shkruan Insajderi.
Kjo gjë ka zgjuar shqetësimin e deputetit të Lidhjes Demokratike të Kosovës, Dritan Selmanaj, i cili shprehet se “me gjasë” ajo do t’i ngjasojë Traktatit Bazë mes Malit të Zi dhe Kishës Ortodokse Serbe, marrëveshje kjo aq kontroverze saqë çoi edhe në rrëzimin e qeverisë malaziase dhe shkaktoi polarizim të skajshëm socio-politik atje.
“Për çfarë zyrtarizimi po flasim? Për çfarë statusi të Kishës? Eksterritorialitet?!!! Me shumë gjasë skenari i Kishës Ortodokse të Serbisë i cili u firmos me Malin e Zi përmes Dritan Abazoviqit, do të aplikohet edhe në Kosovë përmes Albin Kurtit”, shkroi Selmanaj në Facebook./Insajderi/