×
  • Lajme
  • Botë
  • Lajme / Botë

    Shpërthim në shesh xhirimin e “Gladiator 2”/ Gjashtë anëtarë të ekipit dërgohen me urgjencë në spital

    Insajderi
    10 June 2023 - 23:57

    Një shpërthim zjarri ka ndodhur në shesh xhirimin e filmit “Gladiator 2”.

    Gjashtë anëtarë të ekipit që po punonin në vazhdimin e filmit epik të Sir Ridley Scott të vitit 2000, u dërguan me urgjencë në spital pasi u kapën nga flakët kur një top zjarri shpërtheu në xhirime.

    Yjet, duke përfshirë aktorin e “Normal People”, Paul Mescal dhe fituesin e “Oscar”, Denzel Washington, dyshohet se ishin rreth e rrotull kur ndodhi incidenti në shkretëtirën e Saharasë në Marok, sipas Mirror.

    “Ishte e tmerrshme, një top i madh zjarri fluturoi lart dhe kapi disa anëtarë të ekuipazhit në rrugën e tij”, tha një burim.

    “Të gjithë të përfshirët, nga personat më të thjeshtë e deri te emrat e yjeve, janë tronditur nga kjo”, vazhdoi burimi.

    Krahas Mescalit dhe Washingtonit, ylli i “The Last of Us”, Pedro Pascal dhe aktori irlandez Barry Keoghan, i cili u nominua për “Oscar” për aktorin më të mirë në rol dytësor këtë vit do të shfaqen gjithashtu në filmin e shumëpritur.

    Para incidentit në xhirime, “Gladiator 2” ishte planifikuar të dilte në kinema në nëntor të këtij viti.

    Russell Croëe fitoi një “Oscar” për aktorin më të mirë për portretizimin e Maximus Decimus Meridius në “Gladiator” në vitin 2000.

    Duke folur në një podcast në janar, Croëe shpjegoi se nuk do të shfaqej në vazhdimin e Gladiatorit, por ndau pak informacion rreth kësaj.

    “Pra, ai fëmijë i ri është rritur dhe tani është perandori. Nuk e di se çfarë ndodh tjetër në atë moment, kështu që kjo është ideja. Pra, nuk është një ribërje. Dhe nuk është një vazhdim i drejtpërdrejtë”, tha aktori më parë.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark