Një pasagjer hero ka treguar se si ai u përball me guxim me një burrë në një fluturim, i cili sulmoi një anëtar të ekipit dhe u përpoq të hapte derën e urgjencës në lartësi.

Për më tepër, pasagjeri doli se ishte me origjinë shqiptare.

Fluturimi, i nisur nga Tel Avivi për në aeroportin Luton në Londër të hënën, u detyrua të bënte një ulje emergjente në Beograd, shkroi The Sun. 

Victor Tropolini e kapi burrin pasi tentoi ta hapte derën dhe grushtoi një stjuardesë. Pamjet kanë treguar burrin që bërtiste ndërsa Victori e shtrin përtokë.

Victori mund të shihet që e lidh dhe ia mban duart burrit ndërsa e ndihmojnë më pas edhe të tjerët.

Ai ka pretenduar se sulmuesi ka bërtitur “Allahu Akbar” vazhdimisht.

Victori është nga Shqipëria, por jeton në Zvicër dhe po shkonte ta vizitonte nënën në Londër.