Sot bëhen shtatë vjet prej kur Astrit Dehari është gjetur i vdekur në qelinë e tij në burgun e Prizrenit.
Lëvizja Vetëvendosje ka bërë publike agjendën e organizimit me rastin e 7 vjetorit të vdekjes së tij.
Agjenda:
09:30 – Homazhe te varri i Astrit Deharit (Zllatar)
12:00 – Organizata “Studim, Kritikë, Veprim” mban një diskutim (Parku “Astrit Dehari” te Biblioteka e Fakultetit të Mjekësisë)
14:00 – Dhurimi vullnetar i gjakut (Sekretariati i VV-së)
18:00 – Ndezja e qirinjve (Te Murali për Astrit Deharin, Kino ABC)
12:00 – Federata e Boksit e Kosovës organizon turneun tradicional ndërkombëtar “Adem Jashari”. Finalet luhen nga ora 12:00. (Palestra e Sporteve “1 Tetori” Prishtinë)
Kujtojmë se, më 4 gusht të vitit 2016 objekti i Kuvendit të Kosovës u sulmua me një granatë dore. Me 30 gusht të atij viti, Policia kishte arrestuar gjashtë aktivistë të Lëvizjes Vetëvendosje, si të dyshuar për kryerjen e sulmit. Një nga ta ishte Astrit Dehari.
Bashkë me të tjerët, Astriti kishte përfunduar në paraburgim në Prizren, teksa priste për një aktakuzë, ngritjen e së cilës nuk e përjetoi. Me 5 nëntor të vitit 2016, Astrit Dehari, u gjend i vdekur në Qendrën e Paraburgimit në Prizren.