Kryeministri i Albin Kurti i shoqëruar nga Ministri i Punëve të Brendshme, Xhelal Sveçla do të mbajnë konferencë për media në lidhje me zhvillimet e fundit në vend.

Siç bëhet me dije në njoftim konferenca do të mbahet sot më 01.08.2022 në orën 13:00, në objektin qendrorë të MPB-së në sallën P-02.

Mediat janë ftuar të marrin pjesë.

Ndërkohë raportohet se sot pas orës 11:00, kanë nisur të largohen kamionët që ishin përdorur si barrikadë për të bllokuar rrugët në Rudarë.

Mbrëmë, Qeveria e Kosovës njoftoi se është vendosur që të shtyhet implementimi i reciprocitetit për dokumente me Serbinë.

Ky vendim erdhi si pasojë e tensioneve që u krijuan në veri të Mitrovicës qysh prej orës 18:00.

Kërkesa që ky vendim të zhvendoset në një datë tjetër erdhi edhe pas konsultimeve të Kurtit e Osmanit me ambasadorin amerikan, Jeff Hovenier.

/GazetaInsajderi