Trajneri i Chelseat, Thomas Tuchel, të dielën mbrëma njoftoi se do të bisedojë sot (e hënë) me Romelu Lukakun për të ardhmen e tij në Stamford Bridge.

Tuchel e la Lukakun jashtë skuadrës së Chelseat për ndeshjen e së dielës ndaj Liverpoolit në Premierligë, pas deklaratave të sulmuesit belg gjatë një interviste të xhiruar javë më parë por që u transmetua të enjten.

Lukaku tha në intervistë se nuk ndihej i lumtur me rolin e tij nën udhëheqjen e Tuchel këtë sezon.

Ai foli edhe për dëshirën për t’u kthyer në Inter së shpejti, klubin të cilit Chelsea ia pagoi 115 milionë euro për shërbimet e tij.

Pas ndeshjes me Liverpoolin, Tuchel njoftoi se do të takohet me Lukakun sot (e hënë).