Kryeministri i Kosovës Albin Kurti, sot u shfaq para një tavoline që kishte raki. I pari i shtetit që në fushatë zgjedhore për të tërhequr audiencën ishte betuar edhe në librin e shenjtë Kuranin, sot nxiti kritika për veprimin e tij në muajin e Ramazanit. Kurti më parë edhe kishte ndalur fjalimin e tij për të respektuar ezanin.

Ndërsa sot Kurti, bashkë me Ministrin e Kulturës Rinisë dhe Sportit Hajrulla Çeku, kanë vizituar sot piktorin nga Gjakova, Tahir Emra.

Këtë e ka bërë të ditur Arjeta Emra, vajza e Tahir Emrës e cila ka publikuar edhe foto nga vizita që kryeministri Kurti ka bërë në familjen e tyre.

Në foton që është publikuar, Kurti shihet duke pirë raki në muajin e Ramazanit.

Një veprim i tillë i Kurtit, nuk u prit mirë.

Kjo pasi që ishte Kurti i cili ndalte fjalimet e tij në Prishtinë e vende tjera, për ta respektuar kinse Ezanin që dëgjohej nga xhamitë afër.

Kjo nuk është hera e parë që kryeministri konsumon alkool në muajin e Ramazanit, pasi edhe vitin e kaluar Kurti ishte pritur me një gotë raki nga kryetari i Aleancës për Ardhmërinë e Kosovës, Ramush Haradinaj, në Kullën Haradinaj në Gllogjan.

Në Islam rakia dhe pijet alkoolike janë të ndaluara.