Situata në pjesën veriore të Mitrovicës ditëve të fundit është tensionuar pas disa shpërthimeve dhe sulmeve në zyrat e KQZ-së. Kjo erdhi pas përgatitjeve për mbajtjen e zgjedhjeve lokale në komunat veriore.

Misionin e EULEX në një përgjigje për Gazetën Insajderi, ka thënë se Kosova duhet të marr parasysh me kujdes të gjithë faktorët e sigurisë për të siguruar zgjedhje në kushte paqësore.

Tutje, në përgjigjen e tyre thuhet se situata e sigurisë në lidhje me këto zgjedhje është duke u vlerësuar nga institucionet e Kosovës.

“Sa i përket organizimit të zgjedhjeve të pjesshme në komunat veriore, autoritetet e Kosovës duhet të marrin parasysh me kujdes të gjithë faktorët e sigurisë, administrativë dhe politikë për të siguruar që zgjedhjet të jenë gjithëpërfshirëse dhe të mbahen vetëm në kushte paqësore. Situata e sigurisë në lidhje me këto zgjedhje është duke u vlerësuar nga institucionet e Kosovës”, thuhet në përgjigjet e Eulex dhënë Insajderit.