Ka ndërruar jetë modelja, Christina Asten Gurkani, që i ngjason yllit televiziv, Kim Kardashian.

Ajo ka vdekur disa orë pasi i është nënshtruar operacionit tjetër plastik, si shkak i një sulmi masiv në zemër.

Sipas Daily Mail, vdekja e 34-vjeçares e cila njihej online si “Asten” ka ndodhur të enjten e kaluar në spitalin ku ajo po shërohej nga një operacion që iu nënshtrua.

Familja e saj po mbledh para përmes GoFundMe për funeralin e modeles, i cili është planifikuar për javën e ardhshme.

Deri më tani, 3,540 dollarë nga 40,000 dollarë janë mbledhur.

Faqja GoFundMe përfshin një deklaratë emocionale nga të afërmit e 34-vjeçares, të cilët thonë se janë të shkatërruar dhe të tronditur nga ajo që ndodhi.

Më tej në deklaratë thuhet se nga autoritetet po kryhet një hetim për shkakun e saktë të vdekjes së modeles.