Presidenti i Serbisë, Aleksandar Vuçiq në një paraqitje para gazetarëve ka folur edhe për situatën në veri të Mitrovicës.

Vuçiq ka kujtuar se nesër do të bëhet betimi i kryetait të ri në Mitrovicën Veriore dhe se kjo gjë mbështetet nga vendet e Kuintit.

Tutje, ai pretentoi se situata në veri është e rëndë, përcjell Insajderi.

“Dje fola me Derek Chollet, Gabriel Escobar dhe Christopher Hill. Situata në veri të Kosovës është shumë e rëndë. Kërkoj nga serbët që ta ruajnë paqen”, tha ai.

“Jam i shqetësuar për të nesërmen dhe gjithçka që vjen pas së nesërmës”, deklaroi Vuçiq.

Ditë më parë zëvendëskryeministri i Kosovës, Besnik Bislimi tregoi se ka diskutuar me zyrtarë të bashkimit evropian për problemin me disa ndërtesa në Mitrovicën Veriore, pa e specifikuar nëse bëhej fjalë për objektet komunale.

Ndërkohë në media është raportuar se nesër mund të ketë trazira në veri për shkak të emërimit të kryetarëve të rinj. /Insajderi