Një aksident ka ndodhur në fshatin Xërxë të Rahovcit të hënën.

Në aksident kanë qenë të përfshirë dy vetura dhe një traktor. Prej tij tre persona kanë mbetur të lënduar.

Lajmin për Insajderin e ka konfirmuar Sheremet Elezaj, zëdhënës i Policisë së Kosovës për rajonin e  Gjakovës.

“Rreth orës 19:05 është raportuar aksident trafiku në fshatin Xerxë-Rahovec. Policia ju ka përgjigjur rastit, ku të përfshirë kanë qenë dy vetura dhe një traktor. Për pasojë, përveç dëmeve të konsiderueshme materiale, lëndime kanë pësuar tre persona. Rastin është duke e trajtuar nga Njësia Rajonale e Komunikacionit Rrugor”, ka deklaruar ai.