Në fshatin Lëbushë të Deçanit sot ka ndodhur një aksident. Në aksident kanë qenë të përfshirë disa ushtarë të KFOR-it.
Rastin e ka konfirmuar për Gazetën Insajderi zëdhënësi i Policisë, Fadil Gashi, ai tha se nuk ka të lënduar nga ky aksident.
“Rreth orës 14:50, jemi njoftuar për një rast në fshatin Lëbushë. Policia ka dalë në vendin e ngjarjes dhe ka marrë vesh se bëhet fjalë për një veturë të KFOR-it që ka devijuar nga rruga. Të lënduar nga ky rast nuk ka”, tha Gashi.
Kujtojmë se ditë më parë, aksident i ngjashëm ndodhi në Leshan të Pejës, ku i vdekur mbeti ushtari i KFOR-it italian, Claudio Cadeddu.