×
  • Lajme
  • Botë
  • Lajme / Botë

    Ekipi i Navalnyt thotë se askush nuk po pranon ta bartë kufomën e tij

    Insajderi
    01 March 2024 - 09:28
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Me disa orë që kanë mbetur deri në funeralin e Alexei Navalnyt, ekipi i tij ka thënë se po vazhdojnë të përballen me vështirësi në organizimin e ceremonisë.

    Zëdhënsja e tij, Kira Yarmysh, ka thënë se ata nuk kanë mundur të gjejnë një automjetet që do ta bartte trupin e tij deri në kishë.

    “Njerëz të panjohur po i thërrasin dhe po i kërcënojnë nëse pranojnë ta marrin trupin e Alexeit”, ka thënë Yarmyshi.

    Ceremonia lamtumirëse për Navalnyn do të mbahet të premten në Moskë – dy javë pasi vdiq në një burg, raportoi BBC.

    Të premten, ekipi njoftoi se ceremonia do të mbahej në orën 14:00 në Moskë në Kishën “Quench My Sorroës”.

    Varrimi më pas do të bëhet në varrezat Borisovskoye dy orë më vonë.

    Ceremonia do të transmetohet direkt në kanalin e Youtubet të Navalnyt.

    Navalny ka vdekur papritmas më 16 shkurt në një koloni penale në Arktik, ku po vuante dënimin me burgim, me më shumë se 30 vjet në total. Kremlini i ka mohuar deklaratat e familjarëve të tij se e ka vrarë Navalnyn.

    Gruaja e Navalnyt ka deklaruar këtë javë se nuk ishte e sigurt nëse ngjarja do të kalonte në mënyrë paqësore, duke shprehur dyshimet se policia do të arrestonte mbështetësit e burrit të saj. Avokatët kanë këshilluar ata që planifikojnë të marrin pjesë, që të reduktojnë rrezikun, duke mos mbajtur pankarta, duke mos veshur bluza me slogane ose duke mos rënë pre e ndonjë “provokimi”.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark