Orkestra Harkore e Filharmonisë së Kosovës do të mbajë koncert në ambientet e kinemasë “Jusuf Gërvalla” në qytetin e Pejës. eKoncerti me veprat e Grieg, Svendsen, Beqiri dhe Zymberi do të mbahet sonte nën drejtimin e Edon Ramadanit, duke filluar nga ora 20:00.

Në programin e sotëm do të interpretohet edhe koha e parë e veprës “Akuarelet e Prizrenit” nga Rexho Mulliqi. Ky interpretim i kësaj vepre bëhet në kuadër të shënimit të 100-vjetorit të lindjes së njërit prej kompozitorëve më të rëndësishëm të Kosovës.