Presidenti i SHBA-së, Joe Biden ka kritikuar një hetim që zbuloi se ai keqpërdorte dosjet top-sekrete dhe ku u tha se kishte vështirësi për të kujtuar ngjarjet kryesore të jetës.

Në një konferencë të papritur të lajmeve të enjten në mbrëmje, Biden tha: “Kujtesa ime është e mirë”. Ai kritikoi dhe pretendimin që nuk e mbante mend kur i vdiq djali, duke thënë: “Si dreqin guxon ta thotë atë?”

Hetimi 1-vjeçar nga këshilltari i posaçëm Robert Hur u përqendrua në mbajtjen e pahijshme nga Biden të dokumenteve shumë të klasifikuara në kohën kur shërbeu si senator dhe si zëvendëspresident i Barack Obamës.

Republikani Hur, zbuloi se Bidne “me dashje” i mbajti dhe zbuloi materialet, duke përfshirë dokumente rreth politikës ushtarake dhe të jashtme në Afganistan.