Kryetari i Partisë Demokratike të Kosovës, Memli Krasniqi, ka kërkuar që të zhvillohet një hetim i plotë lidhur me ngjarjen e rëndë në minierën e Stantërgut. 

“Është e domosdoshme të zhvillohet një hetim i plotë dhe i pavarur për të identifikuar shkaqet dhe përgjegjësitë në këtë ngjarje e cila ka mundur të përfundoj me fatalitet”, ka shkruar Krasniqi në rrjetin e tij në Facebook.

Sipas Krasniqit, Qeveria nuk është duke iu bërë trajtim adekuat puntorëve të Trepçës.

“Përkundër kërkesave të vazhdueshme ndaj Qeverisë aktuale, minatorët e Trepçës kanë përjetuar mungesën e trajtimit adekuat. Qeveria e Kosovës duhet të dëgjoj kërkesat e minatorëve dhe duhet të ndërmarr veprime urgjente dhe konkrete për të garantuar kushte më të mira dhe siguri në vendin e punës”, është shprehur Krasniqi.