Kryeministri i Kosovës, Albin Kurti, sot ka është takuar me ambasadoren e Izraelit në Kosovë, Tamara Ziv.

Në nioftimin e ZKM-së thuhet se Kurti dhe Ziv kanë folur për marrëdhëniet bilaterale ndërmjet dy vendeve

“Kryeministri Kurti falënderoi ambasadoren Ziv për komunikimin e afërt dhe mbështetjen e vazhdueshme. Ai u shpreh mirënjohës për vendimin e shtetit të Izraelit për të liberalizuar vizat për qytetarët e Republikës së Kosovës në vazhdën e lajmeve dhe zhvillimeve pozitive në këtë fillimvit”, thuhet aty.

Kurti i ka shprehur ngushëllime ambasadores Ziv për viktimat e sulmeve nga Hamasi.

“Ai gjithashtu i shprehu ngushëllime ambasadores Ziv për viktimat e sulmeve nga Hamas teksa theksoi mbështetjen e Qeverisë për të drejtën e Izraelit për t’u mbrojtur, dhe uroi që së shpejti do të mund të arrihet një armëpushim i qëndrueshëm i përhershëm”, thuhet në komunikatë.