Trofeu i parë i sezonit të ri i është caktuar. Superkupa e Francës i përket Lille.

Takimi zhvilluar në Tel-Aviv mes PSG dhe kampionëve të Francës ka përfunduar me shifrat 0-1.Goli i Xekës në minutën e 44 -të ishte vendimtar për Lille, duke i dhënë kështu kampionëve të Ligue 1 Superkupën e parë në histori.

Te PSG mungonin Donnarumma, Mbappe dhe Neymar, ndërsa nota e vetme pozitive për skuadrën e Pochettinos mund të konsiderohet paraqitja e mirë e Hakimit.

Pjesa e parë ishte pa emocione të mëdha, me sulmuesin Burak Yilmaz i cili shqetësoi portierin Navas me një goditje dënimi në fillim dhe Herrera u kundërpërgjigj me një goditje nga distanca në minutën e 27-të. Tentativa e parë dhe e vërtetë ishte e minutës së 44′ kur Xeka ia doli të shënojë një gol të mrekullueshëm duke mposhtur portierin e PSG.

Tentativat e Hakimit (në formë të mirë, por i ofenduar nga publiku izraelit për simpatinë që ka shprehur për Palestinën) nuk kanë dobi dhe parizianët shkojnë në gjysmëlojë në disavantazh.Në pjesën e dytë, Pochettino nuk ndryshon asgjë dhe shansi i madh i vjen kur Danilo godet me kokë por nuk ka kuadrat. Pavarësisht disa tentativave, skuadra pariziene del e mundur dhe nuk arrin të fitojë trofeun e parë të sezonit.