Emre Can do të jetë kapiteni i ri i Borussia Dortmund.

Pak kohë më parë, Marco Reus hoqi dorë nga shiriti i kapitenit dhe ky vendim u respektua dhe u mirëkuptua nga klubi. Tashmë, ata kanë njoftuar zyrtarisht se mesfushori gjerman, Emre Can, do të jetë kapiteni më i ri i klubit verdhezi. Zëvendëskapiten do të jetë portieri Gregor Kobel.

“Më bën jashtëzakonisht shumë krenar fakti që jam kapiteni i një klubi të madh. Dua të falënderoj të gjithë të përfshirët që vendosën dhe menduan të ma jepnin mua shiritin”, ishin fjalët e Emre Can.