Sot, në Ditën Botërore të Muzikës, Opera e Kosovës organizoi promovimin e monografisë kushtuar regjisorit të mirënjohur të operave, Nikolin Gurakuqi, me autore Floriana Odhise Paskali.

Ky aktivitet u mbajt në ambientet e Bibliotekës Kombëtare të Kosovës “Pjetër Bogdani”.

Në këtë ngjarje që u mbajt në kuadër të bashkëpunimeve të kalendarit të përbashkët kulturor Kosovë-Shqipëri morëm pjesë personalitete të shquara të artit dhe kulturës.

Folës ishin Leonardo Voci – piktor, Edmond Doko – dirigjent, Ylber Gjini – bariton dhe Besa Luzha – përfaqësuese e këshillit të Operës së Kosovës.

Ndërsa për programin artistik u përkujdes kori i fëmijëve “Okarina”, nën udhëheqjen e Elikona Hysaj-Shala dhe korepetitor Melos Buza, me fragmente dhe koralet nga operat e njohura botërore dhe atyre shqiptare.