Ish banorja e Big Brother Albania, e cila u përjashtua nga shtëpia për dhunë fizike ndaj Luiz Ejllit, Kejvina Kthella, ka ardhur me një reagim se kush eshte Kejvina e BBV dhe kush është Kejvina e jetes reale.

Ajo është rikthyer në rrjetet sociale me një njoftim të gjatë për ndjekësit e saj e cila sqaruar nga “A-ja” te “Zh-ja” eksperiencën e saj në “Big Brother Vip”, për të cilën shkruan se ishte një vendim i gabuar i marrë nga ajo.

Modelja ka kërkuar ndjesë publike edhe ndaj Luizit, të cilin e cilëson si “njeriun e vetëm që e ka dashur dhe është treguar i vërtetë me të”

“Është momenti që unë t’i kërkoj falje njeriut të vetëm që më ka dashur në atë shtëpi dhe është treguar i vërtetë me mua që ditën e pare dhe deri në të fundit. Luiz, për mua je miku i mirë i ditëve të para në shtëpi dhe jam e sigurtë që të dy ne e dimë që do jemi njësoi edhe kur të dalësh jashtë. Shoqëria jonë nisi përpara se të niste “kryqëzata” dhe do vazhdojë edhe më mbrapa. Sepse miqtë këtë bëjnë, qeshin, qajnë, bëjnë batuta, shpesh herë bëjnë edhe gabime, por me rëndësi është që ti kuptojnë dhe të reflektojnë. Dhe jam e sigurtë që ne të dy do jemi gjithmonë miq. E pres në Manati për drekën e famshme”– shkruan mes të tjerash ish-banorja e “BBV.”

“Kejvina e BB Vip, ra pre e një manipulimi, të turpshëm, por unë nuk jam këtu për t’u viktimizuar. Jam për të treguar se si ndjehem dhe se si përshkallëzoi situata. Big Brother Vip nuk është formati i lojës që më përshtatet mua. E kam kuptuar me vonesë ndoshta, por kam qenë ende brenda në shtëpi kur kam kërkuar të dal. Unë duhet të dilja nga ajo shtëpi, sepse vendimi im për tu futur ishte i gabuar. Por për një gjë jam mirënjohëse dhe këtë e them me plot gojën. Kjo eksperiencë më mësoi të njoh njerëzit e vërtetë, të njoh miqtë nga pseudomiqtë, si brenda ashtu edhe jashtë shtëpisë së Big Brother dhe të rritem”– thuhet në postimin e Kejvinës.

Për fund ajo i ka kërkuar falje gjithë publikut.