Qeveria e Kosovës nuk do t’i ekzekutojë pagat e muajit shtator për grevistët. Pas kësaj ka reaguar Deputeti i Lidhjes Demokratike të Kosovës Armend Zemaj.

Ai tha se “regjimi i kuq”, mësimdhënësve ja u ka ndaluar bukën e gojës.

“Në vend të urimit për një fillim të mbarë të vitit shkollor, edhe pse të vonuar pikërisht nga qeverisja e paaftë dhe grindavece, mësuesit po privohen nga të drejtat e tyre elementare, ngase po iu ndalet buka e gojës“, tha ai.

Kusari Lila, tha sot se ministria është në pritje të azhurnimit të listave të punonjësve që nuk kanë qenë në vendin e punës gjatë këtyre ditëve.

“Është përgjegjësi e agjencioneve buxhetore në këtë rast që të bëjnë azhurnimin e listës”, tha ajo.