Prej më të madhit, kryeministrit Kurti e deri te më i vogli në Qeverinë Kurti kanë drekuar e darkuar në një restaurant. E kanë bërë të famshëm. Restaurantin Buke e Zemër të Ridvan Muharremit. Aty e kanë dërguar edhe ndërmjetësin Miroslav Lajçak.
Madje, pronarin e këtij restauranti e kanë bërë njeri me ndikim të madh. I kanë dhënë qasje në rezervat shtetërore. E kanë mbrojtur edhe kur u arrestua nën dyshimin për korrupsion.
Por, historinë me të famshme të ndodhur gjatë pushtetit të Kurtit duket se e harroi për pak minuta Hekuran Murati, ministri për financa.
Ai goditi ish-pushtetarët në pikën më të dobët të Qeverisë Kurtit, që është restauranti ku drekojnë e darkojnë pushtetarët.
Murati duke dhënë përgjigje lidhur me falimentimin e biznesesve në Kosovë, pohoi se është duke ndryshuar struktura e ekonomisë.
“Ka tjetër fokus ekonomia e kësaj qeverisje”, pohoi Murati.
Vazhdoj tutje duke shpotitur ish-pushtetarët.
“Nëse në të kalumen ka pasë restorante që kanë pasë më shumë qarkullim sepse kabinetet e ministrave kanë shku dhe kanë shpenzu paranë publike aty, ndoshta edhe ka ndryshu situata”, pohoi Murati.
Gjatë kohës sa e lansonte këtë deklaratë, Murati duket se harroi se është Qeveria Kurti ajo që e ka bërë të famshëm një restaurant dhe e ka bërë të fuqishëm një pronar restauranti. Ridvan Muharremin.